龍蝦係世界上總共有四百多個品種，香港人最見到既有本地青龍蝦、花龍蝦同埋小編今次同大家論解既「波士頓龍蝦」。龍蝦食落爽口之餘又啖啖肉，人人都知佢矜貴既食材，而且營養價值亦十分之高，體內含有既蛋白質，遠遠高於其他海鮮類別，食左可以防止骨質疏鬆，又可以降低膽固醇！
波士頓龍蝦供應相當穩定，基本一年四季都買得到，而且價都好親民相宜；食法方面又變化多端，就算買返屋企自己處理都唔會好難，平時出街最常食到有蒜蓉牛油開邊焗龍蝦、芝士龍蝦炆伊麵、打邊爐配料、原隻上湯等等到近年火熱爆燈既龍蝦包(Lobster Roll)都係超級受歡迎既食法！
咁美國波士頓又同波士頓龍蝦咩關係呢？唔講真係唔知，波士頓自古以黎就係一個主要既海產交易市場，呢度每年都會舉辦國際海鮮貿易展覽，展出各式各樣唔同既海產、海產相關公司好似包裝工具、物流服務、最新技術等等，吸引世界各地海產業者黎到呢；好多海鮮買賣係度交易完倒會直接從波士頓機場起飛送往世界各地, 入口商收到既龍蝦標籤上面都係寫來自波士頓，所以人人都誤稱佢為「波士頓龍蝦」！原來波士頓龍蝦既真正產地主要係美國緬因洲(Maine)同加拿大東岸新斯科舍省(Nova Scotia)；所以美國緬因龍蝦、加拿大龍蝦都係佢既別名。
